од Владимир Лукаш

Има еден фламинго
што ролшуи вози,
а зад него ита динго
со три леви нозе.
 
Тој фламинго розов
пие само боза,
јаде мушички и трошки
и шие облека за вошки.
 
Од утрото се крие
и до пладне спие,
пердувите си ги мие
само дожд кога лие.
 
Тој розов фламинго
што на полноќ вика „Бинго“,
вљубен е во една чудна птица
што стои на виолинска жица.
 
Милно ја гледа и песни ѝ крои,
минутите без неа не ги ни брои.
Штом таа му џивне „Те сакам“,
исчезнува сета негова мака.

---

Обој го фламингото што ќе го најдеш ТУКА.

---

Дизајн/илустрација: Чудна шума; користени ресурси: Freepik, Vecteezy.

---

Од истиот автор: