од Ванчо Полазаревски

Пеликанот,
никогаш сит
земал кредит,
купил нуркач
со опрема
каква ни еден
пеликан нема,
за риболов со
план јасен
и улов на рипки,
многу ефикасен.
Нуркачот сега
набавува храна
а пеликанот има
време за теретана,
за мал фудбал
во дворана,
за своето хоби,
цртање морски
пејзажи по соби,
да патува и биде ист,
ко секој турист,
да чита белетристика,
вежба гимнастика...
Да прави ова,
да прави она....
секој ден
да му е ко бонбона.
А пред тоа што?!
Живот со
огромна мана,
од утро до мрак -
ловење храна.

---

Илустрација: Наташа Костовска

---

Од истиот автор: