од Владимир Мартиновски

Се затрескал слонот Симе
Во слоницата убавица Симона.
Па како да ја освои се мислел 

(А пусти Симе ни е најсилен
Ни највисок ни најбрз 
А ни баш најличен слон).

Па се сетил Симе и засукал
Сурла и од неа направил 
Најубав тенор саксофон.

Ене ја Симона по цел ден
Воздивнува дур Симе вешто 
Свири песни од Нина Симон.

---

Илустрација: Зоран Кардула

---

Песна од книгата „Хор во задниот двор“, во издание на „Чудна шума“

---

Од истиот автор: