од Владимир Лукаш

Мечокот Наум има чудно хоби:
многу сака да преуредува соби.
Влезе дома кај штркот Ѓоко,
кон спалната фрли око
и веднаш, без срам,
го соопшти својот план:
„Креветов стави го тука…
Не оваа ламба, каква брука!
Столот 5 см кон левиот ѕид.
На пејзажот фали снежен рид.“
Како што зборува – преместува,
сѐ на вистинско место сместува,
ако нешто не е според фенг шуи,
нему веднаш в глава му зуи.
Jагулата Нено хоби има уште почудно:
маратонско пливање спротиводно.
Но, тука ќе ја завршиме оваа песна,
оти инаку ќе стане многу бесна.

Од книгата „Пу за Мите, пу за сите“ во издание на Чудна шума.