- Тигрите се најголемите диви мачки во светот. Возрасните тигри можат да тежат до 363 килограми (што е отприлика исто како десет десетгодишни деца!) и да достигнат должина до 3,3 м!
- Тигрите се месојадни животни, односно јадат само месо. Главно се хранат со големи цицачи, како што се елени, диви свињи, антилопи и биволи.
- Тигрите се осамени ловци и најчесто бараат храна сами, ноќе. Тие тивко ја следат својата жртва додека не се приближат доволно за да скокнат – потоа ја убиваат жртвата со гризење на вратот или на задниот дел од главата. Ау!
- Тигрите се добри пливачи! За разлика од повеќето членови на семејството на мачките, тие сакаат вода и често се разладуваат во бари или потоци.
- Рикањето на тигарот може да се слушне на оддалеченост до три километри. Затоа, кога сакаат да бидат слушнати, ќе го знаете тоа, друштво!
- Кога трчаат со полна брзина, тигрите можат да достигнат до 65 км/ч. Точно е – иако се големи и тешки, тигрите воопшто не се бавни!
- Овие бестрашни мачки чекорат на Земјата веќе долго време. Фосилните остатоци од тигри пронајдени во делови на Кина, се смета дека се стари 2 милиони години. Леле!
- Ниту два тигра немаат исти пруги. Бидејќи секој тигар има своја уникатна шара на крзното, сите се посебни!
- Денес постојат пет подвидови на тигри. Овие подвидови се бенгалски тигар, јужнокинески тигар, индокинески тигар, суматрански тигар и амурски тигар (познат и како сибирски тигар). За жал, уште три подвидови тигри што постоеле на Земјата веќе се изумрени – каспискиот, балискиот и јаваскиот тигар.
- Пред помалку од 100 години, тигрите можеле да се најдат низ цела Азија. За жал, ловот и загубата на живеалиштата ги довеле во ризик, и денес нивниот животен простор и област на движење е намален на околу 7% од некогашната големина. Затоа треба да направиме сè што можеме за да ги заштитиме овие прекрасни животни!
е-Списание „Чудна шума“ 
Напишете коментар