Носорогот е голем цицач, кој иако не делува така, но е животно од истата група како коњите и зебрите. Овие огромни животни, заедно со слонот се едни од најголемите животни на светот.

Името го добиле по израстокот на врвот на носот во форма на рог. Овој рог само личи на коска, но всушност е сличен како роговите на елените. Некои видови на носорог имаат два, а некои само еден голем рог на главата. Телото им е обвиено со многу дебела кожа, која личи на мек штит.

Иако делуваат тешки и тромави, тие се многу брзи и често трчаат. Носорозите живеат во големи групи наречени стада, кои населуваат топли и суви места наречени савани. Таму живеат заедно со другите савански животни како лавот, жирафата и зебрата.

Тие не ловат, a рогот им служи за самоодбрана. Се хранат со трева и мали зелени грмушки.

Носорозите ги има сѐ помалку, бидејќи луѓето сѐ повеќе ги ловат, верувајќи дека нивните рогови се лековити.

---