Гладното слонче

од Александра Симова Клинчарова

Цело утро глас се слуша 
Некој вика, се дере, урла 
Кој ли има толку сила?
Ооо − тоа е слоновска сурла!

Мене никој не ме слуша 
Се налути малото слонче 
Никој не ми дава благо 
Дури ни едно бонбонче!

Но тоа не е здраво, 
Објасни стариот слон 
Лапни овошје и зеленчук
Од тоа се расте цел тон!

Но јас сакам и крофна
И вафла и палачинка 
Не мора ни цела да е
Еве може и четвртинка! 

Се насмевна мајката слоница 
И си рече, па има право!
Најдобро е кога има рамнотежа 
Тоа е она што нѐ прави здрави. 

Му даде на малото слонче
Вкусно чоколадо – но само еден ред 
А потоа лапна и таа самата 
И се гушнаа под големиот дрворед.